Amigos nos cinco continentes
Artigo de Serxio González, saido na Voz de Galicia de hoxe sábado, 24 de outubro de 2009.
Nel faise referencia ó blog, a súa expansión, a cena de hoxe, ó festival do catro de decembro e a Casalderrey.
Podedes leelo acedendo desde este enlace.
Disfrutade.
…COA AXUDA DOS MEUS AMIGOS
¿Que farías se cantara fora de tono?
¿levantaríaste e deixaríasme só?
Presta atención e cantareite unha canción
e intentarei non desafinar.
Intentareino cun pouco de axuda dos meus amigos.
Arreglome cun pouco de axuda dos meus amigos.
Póñome cego cun pouco de axuda dos meus amigos.
Así comenza a canción creada por John Lennon e Paul McCartney e que forma parte do álbum Sgt. Pepper’s Lonely Hearts Club Band de 1967.
Ainda que a min sempre me gustou mais a versión de Joe Cocker que cantaba alá no festival de Woodstock de 1969 e que lle daba unha volta total a ese tema.
E é este fragmento deste tema que nos sirve para iniciar o espectáculo en lembranza daqueles anos sesenta.
Os distintos grupos e solistas que formaban parte daquel mundo musical reúnense desde hai días en distintos lugares de Vilagarcía para alcanzar a destreza que nos farán vibrar o día catro de decembro no Auditorio de Vilagarcía.
Nas fotografías, que podedes observar na galería Preparando o festival dos sesenta, vemos algúns momentos destes ensaios.
As entradas para este espectáculo, que levará o nome extraido desa canción co que iniciamos o blog, … coa axuda dos meus amigos, terán un precio simbólico (de 3, 2 e 1 ? según a zona do auditorio) co fin de darlle valor a este acto cultural. O diñeiro recadado será donado a unha ONG ainda sen especificar.
Aparte dos que xa aparecen nos ensaios esperamos contar coa presencia de Casalderrey que nos servirá, coa súa armónica (xa que non contaremos ca súa habilidade co guitarmonium) para unir as dúas partes da que constará o festival.
Esperemos que o disfruten agora e que o fagan máis ese día catro.
O que madruga…
Quen vos ía a decir que un pequeno problema de ansiedade vos permitiría ter unhas cantas fotos mais preparadas co almorzo. Pois aquí estamos, as seis da mañán introducindo fotografías no blog.
Son a parte que faltaba do que comenzamos onte a subir, con aquelas oitenta fotografías. Esta vez son menos, 49, pero non está mal para pasalo fin de semana.
As galerías donde están son: O Carril (6), Outra maneira de vivir (14), Posando (9), Primeiras Comuñóns (6), Vamos a retratarnos (5) e Tradicións nosas, festas e actos (9).
Esperamos que disfruten. Eu espero facelo tamén, ou polo menos descansar.
VOLVEN OS 60 e as fotos
Queridas e queridos, continúa a preparación da homenaxe os pioneiros dos anos sesenta. Nun post que se porá mañán veremos algunha fotografía deses ensaios. É unha pena que non poidades escoitala música pero o que levamos escoitando é para soñar e donde o noso corpo non debería deixar de estremecerse. Vai a ser un concerto para ir de parella…ou para facela alí.
Pero antes de que isto suceda vamos a colocar unhas cantas fotografías. Está é a primeira tirada: 80 novas.
Decidimos cubrir case tódolas galerías que temos por iso espallamos fotografías por todo o blog para que teñades a posibilidade de visitar espacios que nunca exploráchesdes.
Estas están colocadas en A Vilagarcía de onte (4), Os Amigos (17), Tempo de antroido (3), Aqueles traxes de baño (4), Dando a nota (6), Terra de Artistas (con Maiúsculas) (5), Atopando detalles (7), De bares (1), Soan campas de voda (1), Creo en Dios Padre… (4), Os deportes chegaron coa escuadra (10), Familia (2) e Gaudeamus Igitur (9).
Pois esas son para hoxe, mañán máis.
De momento vaian disfrutando.
pequena GUÍA PARA ENTENDELO BLOG
Durante uns días estivemos plantexando a idea de non subir máis fotografías, de momento, xa que estábades moi preocupados polo o que acontecía na fotografía de “Bar Miño”.
Non podía ser posible que unha foto, en pouco tempo, alcanzase os cento e pico comentarios sendo a que hasta agora tiña máis (onde hoxe esta radio Arousa) non superaban as oitenta a pesares de formar arte do blog desde os seus comenzos. Pero o peor era que os comentarios, na súa maioría, non se correspondían co espíritu co que foi creado o blog.
Polo tanto se estábades tan entretidos cunha fotografía ¿para que engadir mais?.
E o que nos temíamos era certo: que había centos de fotografías que ninguén tiña mirado. O comentario de Mary Gallego no apartado “reportaxe da Voz sobre os anos 60” así nolo demostra. Polo tanto facemos un inciso para dar unha pequena explicación sobre os apartados do blog e a súa forma de seguilo.
O primeiro que atopamos ó entrar no blog é esta pantalla. Nela podemos distinguir tres apartados importantes: A última información subida ó blog (1) co título sobre fondo verde na parte superior, a veces cunha foto ou vídeo engadido e, cando se trata de avisar de novas subidas ou enlaces, cun texto en negrita e coloreado (6) que, se é un enlace, o pasalo cursor por riba del cambia o estado do punteiro (flecha en man, etc). Iso significa que clicando sobre el nos vai levar directamente o que anuncia sen necesidade de ter que buscalo.
Na parte baixa de cada texto (así como de cada fotografía das galerías) aparecen os comentarios que se fixeron sobre os mesmos e mais abaixo uns recadros onde se pode engadir un comentario. Só é necesario colocar o nome da persona que envía (permítese o anonimato, en caso de que este sexa insultante, xenófobo, racista, antidemocrático, ou que atente, sen xustificación algunha, contra personas ou entidades, será borrado sen mais. A decisión de todo isto corre a carrego dos rectores), e realizalo comentario na parte máis ancha. O correo electrónico ou a páxina web ou blog (URL) son optativos e non son necesarios só se quere informar dos mesmos o noso blog para recibir informacións aparte.
O segundo punto de interés é o de ESPACIOS (3). Nel temos, hasta o momento, sete apartados:
Actualización da Galería de Fotos. Se presionamos sobre el aparecerá na pantalla principal só as informacións sobre as fotografías engadidas no blog, comenzando pola mais recente e rematando na primeira realizada en febreiro de 2009. Na parte inferior da pantalla veremos unha serie de números correlativos que indican o número de páxinas que ten cada apartado e que iremos tocando para pasar de unha a outra. Isto é común a tódalas pantallas.
Galería de Vídeos. Na pantalla principal aparecerán os distintos vídeos que fumos subindo o Faiado en todo o tempo.
LIBRO DE VISITAS. O lugar no que deixar algún comentario, solicitude, suxerencia, petición, etc, que non teña referencia expresa con ningunha fotografía.
NOVOS COMENTARIOS. Aceso para ver cales foron os últimos comentarios realizados no blog. Como a actualización deste apartado non é automática senón manual, a aparición do comentario no blog non vai parello a que se indique aquí instantaneamente senón cando os señores rectores teñan a ben subilos, iso quere decir: cando teñan tempo.
O PASEANTE. Aceso directo a ese blog de difícil actualización.
Os Artigos do Faiado. Espazo non actualizado totalmente e que nos mostra os artigos publicados en “La Voz de Galicia” polo periodista Serxio González e que nacen das fotografías deste Arquivo.
Xeral. Aceso directo a pantalla principal que non ten ningunha referencia con todo o anteriormente descrito.
E o terceiro punto de Interés, e a parte esencial deste blog, é a GALERÍA DE FOTOS (4). Nel e por orde alfabética atópanse tódalas galerías de fotografías que temos no “Faiado da Memoria”. No momento de escribir esta guía temos un total de 1.500 e pico fotografías subidas ó blog, dun total de 15.000 que xa están recollidas no noso “Arquivo Social da Memoria” que poderíades ver na Concellería de Cultura dentro do noso espacio “real”. As Galerías van precedidas dun título xenérico que pode ter unha relación clara co que mostra (De bares, sobre os distintos bares de Vilagarcía, Familia, retratos das distintas familias que vamos atopando, A Vilagarcía de onte, sobre esa vila que pouco a pouco vai transformándose, etc) e outros son máis abstractos (Creo en Dios Padre…, sobre actividades relixiosas, Dando a nota, sobre a música e os músicos, Gaudeamus igitur, sobre as escolas, etc).
Unha vez entrado en calqueira das galerías veremos unha serie de fotografías cun tamaño pequeno e que levan debaixo un título e o número de comentarios que se fixeron sobre a mesma. O clicar sobre elas estas ampliaranse e nos permitirá ver os comentarios feitos sobre ela ou o que esta inspirou para contar outras memorias, así como a posibilidade de engadir un comentario noso.
Debaixo de cada fotografía ten unha somera descripción e tres menús (anterior, volver a galería e seguinte) que nos permite continuar vendo fotografías dentro desa galería.
O noso correo electrónico para dar calqueira información, aviso, etc, de carácter personal e que non se queira facer público polas razóns que sexan está na parte superior esquerda (2) do blog.
Con esta información esperamos que toda aquela persona que nos visita viaxe mais pola memoria gráfica de Vilagarcía dándonos a coñecer a súa experiencia vital sobre ela, as súas anécdotas, os seus coñecementos,… pero, a poder ser deixando atrás elementos que non veñen a conto e que transforman un espacio creado para activala memoria e a comunicación nun patio de madres sen sentido, nun foro vulgar e que alonxa mais que atrae.
Gustanos que a xente chore diante do ordenador, que saque os seus sentimentos que se agochaban nese rincón escuro e cheo de arañeiras do cerebro, que as bagoas limpen a desmemoria. Como di a escritora Rihana Jamaludin, a choiva e as bagoas son as correntes que lavan a mugre da vida. Pero non queremos que as bagoas sexan pola rabia. Non.
Reconstruamos o camiño.
Reportaxe na Voz sobre os 60
No seguinte enlace de La Voz de Galicia podedes ler un artigo de Serxio González sobre a música pionera dos sesenta. É un dos primeiros reportaxes que se van a realizar como anticipo ó espectáculo do día 4 de decembro no Auditorio de Vilagarcía.
O Faiado, como espectador que é deses ensaios, está asombrado da súa marcha máxime cos poucos días que o levan facendo. O entusiasmo dos distintos compoñentes dos grupos e dos solistas foron capaces de romper, en algúns casos, con corenta anos de inactividade musical. O acoplamento entre voces e instrumentos é fantastica polo que coidamos que o espectáculo vai a ser do agrado de todos aqueles, maiores e xovenes, que asistan.
Queremos facer unha corrección a un apartado do artigo no que nomean a Manolo Suárez e Maite Fiuza. De Manolo, que xa nos gustaría que estivese por ese chorro de voz que ainda posee, está unido o grupo Los Duendes e ainda que este naceu a finais dos sesenta a xente o identifica como un grupo dos setenta. Maite esperemos que esté con nós, ainda que non será posible vela actuar por causas familiares.
Seguiremos informando.
Quentiñas, recén saidas do forno…
Estes días estamos que o regalamos todo. Se coas cento e pico de fotografías que subimos estes días non parecía suficente esta mañán chegaron estas seis por internet que non nos poidemos resistir a subir sen esperar mais.
Enviaas Carlos Porto, que non só nos compón ese tema maxistral (teredes que escoitar a segunda versión do mesmo tema) que conforma esa banda sonora de O Faiado, senón que nos aporta unha boa cantidade de fotografías.
Algúns dos pes de foto xa foron transcritos literalmente da información dada polo donante.
Estas seis fotografías colocámolas na galería de Chegaron por correo…electrónico donde as podedes disfrutar desde o momento en que deixedes de ler este post.
E con esta a terceira subida da semana
Cumprindo coas promesas realizadas aquí vai a última subida desta semana. Son 54 novas fotografías que chegaron a nos polos conductos habituais (internet e escaneado no concello).
Vai a ocupar seis Galerías: Personas inesquencibles, con 3 fotografías, Posando, con catro, o igual que a de Mulleres e traballo, Primeiras comunións con sete, A Vilagarcía de onte con 14 e Gaudeamus Igitur con 22.
Na de A Vilagarcía de onte, incluimos unha serie de postais antiguas, a pesares de que non somos moi partidarios das postais xa que nos gustan mellor as fotografías particulares que as industriais, optamos por metelas posto que a algúns de vos vos gusta. Complacemos as peticións ó igual que facían antigamente na radio.
Na de gaudeamus igitur profundizamos no colexio “da renfe” de Bamio un dos centros que nos quedaban por mostrar de Vilagarcía. Seguro que nos quedan máis por iso nos gustaría que alguén nos acerque esas fotografías descoñecidas…hasta agora. Como podedes ver na fotografía que encabeza este post, e que espero que comentedes na galería correspondente.
De momento disfrutar.
A partires de agora vamos a centrarnos un pouco máis na celebración dese homenaxe-espectáculo os anos 60 e que terá lugar, salvo cataclismos ou que a autoridade competente non sexa tal, o día 4 de decembro, venres, tarde-noite no Auditorio de Vilagarcía. Comentarémobos lentamente.
45 novas fotografías
Si, seguimos con esta nova subida que sumamos as 41 de onte.
Esta vez as Galerías que ven aumentado o seu fondo son as de Soan campás de voda con 2, Os deportes chegaron coa escuadra, con tres, Familias con 13 e chegaron por correo…electrónico con 27.
Este último sistema é o que se esta a utilizar por maior número de xente, polo que rogaríamos que se tomen unhas normas básicas que se concretan nunha soa: necesitamos máis resolución. No momento de escanear o aparato que usemos ten unha configuración para incrementar esta resolución, precisamos que a coloquen a un mínimo de 600 ou aumentar a proporción de saida. Se a alguén lle resulta complexo sempre poden acudir a nosa oficiniña, no auditorio de Vilagarcía (2º andar, concellería de Cultura), chamar por teléfono o mesmo lugar (986 512 600) para que nos poñamos en contacto con vostedes ou ben enviando o correo electrónico que ven na parte superior esquerda deste blog. Isto é importante para que as fotografías podan utilizarse tranquilamente sen que perdan calidade.
Pero de momento disfruten e, como decía a formiga atómica naquela serie de dibuxos animados da miña infancia…non esquezan de mineralizarse e supervitaminarse escribir comentarios
Novas fotografías
Hoxe comenzouse unha nova subida de fotografías ó blog (41) que haberá de completarse cunha nova entre mañán e pasado.
Entran, este grupo, en cinco galerías xa constituidas: Terra de Artistas (con maiúscula) (3), Tradicións nosas, festas e actos (6), Atopando detalles (9) a que corresponde a foto da parte superior, De barrios (11) e Os amigos (12).
Quedan por subir nesta nova edición unhas 120 fotografías. A tendinitis váiseme a agudizar, pero que lle vamos a facer. Mentras tanto disfruten con este primeiro capítulo.
Tamén damos aviso de que a primeira exposición que montamos, fará un ano, Vilagarcía, imaxes da memoria, estará desde o venres, 25 de setembro, no Centro Cultural de Rubiáns. Logo comenzará a realizar unha xira por distintos centros que xa iremos indicando.
Por outra banda a exposición unha década de historias, os 60, está exposta no instituto Miguel Ángel González do Carril e tamén realizará unha xira polos outros institutos de Vilagarcía.