Vilagarcia, un pobo IMPRESIONANTE
A Vilagarcia vivida non por todos, pero ainda quedamos alguns, uns cuantos que a lembramos tal cual. A intelixencia artificial sirve pra poñer a andar as cousas que queremos, a carretera de entrada a o barrio das Carolinas, estamos a chegar a o Ambulatorio. Na Baldosa o calexon donde estaba situado o bar das empanadillas mas ricas que facia a irman de Pepe Abalo, Ultramarinos Los Pepes, A triste demolicion do edificio do Casino, Vista Alegre na cercania do Cine Cervantes….
Feliz ano 2026 para TODAS-OS
FELIZ ANO 2026, MOITíSIMA SAUDE
O Faiado da Memoria agasalla aos amigos, seguidores é colaboradores, con imaxes daquel pobo a quen lle roubaron o mar.
Coa música e a voz marabillosa de Alejo Amoedo e a nosa Artista local, Loli Crespo.
Cos desexos dun FELIZ E PRÓSPERO ANO NOVO e que se difuminen eses negros nubarróns que nos amenazán desde fai un tempo e podamos seguir en paz.
CAPÍTULO 5 DA WEBSERIE “DESDE DENTRO DO CORAZÓN”
Polo medio de tódalas historias de DESDE DENTRO DO CORAZÓN, discurre a vida de dous vellos mariñeiros quenes, aos seus oitenta e tantos anos seguián traballando, de día nos viveiros de ameixas de Carril e, pola noite transformábanse nos artistas que realmente eran.
Este epílogo só é para Manuel e Verino, os Nachos.
CAPÍTULO 4 DA WEBSERIE “DESDE DENTRO DO CORAZÓN”
A DERROTA DO CABO RAZO é o último capítulo desta webserie. Non o último exactamente, xa que aínda queda un epílogo.
O Cabo Razo era un buque de cabotaxe da compañía Ybarra que realizaba a ruta entre Bilbao e Barcelona, facendo paradas en Coruña, Vilagarcía e Vigo. Neste caso a súa derrota ía cara Barcelona. Logo de ir a Vigo, volveu hacía Vilagarcía e na noite do 4 de agosto de 1958, retoma o seu camiño para Barcelona. Pero o con do Chazo, en Cabo de Cruz, vai a alteralo seu destino e a dos 39 pasaxeiros.
Aquí nesta historia do capítulo catro escoitamos as testemuñas, tanto dos naufragos como das personas que os rescataron. Toda unha traxedia que puxo de loito a toda a comarca do Salnés.
CAPÍTULO 1 DA WEBSERIE “DESDE DENTRO DO CORAZÓN”
Aquel mar, que nos tempos de temporal, entraba nas casas sen pedir permiso, é o tema do primeiro capítulo de DESDE DENTRO DO CORAZÓN.
O Antonio levaba tres anos en Vilagarcía e sentíase a gusto no pobo, polo que decidiu facer un traballo audiovisual sobre a Vila. De aí sae o título, feito desde dentro dun mesmo.
Para elo vai recollendo unha serie de historias e a partir de personas coñecidas e doutras que vai coñecendo sobre a marcha, vai creando esta historia caleidoscópica sobre o noso pobo. A todo isto, os traballos audiovisuais costan e parece que os cartos non estaban dispoñibles para nos e ante a falta de apoio institucional recurrimos aos amigos e coñecidos (e incluso aos non coñecidos) mediante un crowfundig que nos permitiu levalo a cabo, nun principio.
Entón, ante tanto material e historias que tíñamos, decidimos facer dous documentais que compartían o mesmo título: DESDE DENTRO DO CORAZÓN, pero os diferenciaba os seus subtítulos: HISTORIAS DE MAR e HISTORIAS DE TERRA. Pero só poidemos facela primeira, a de MAR. E non porque nos faltasen ganas, senón pola falta de implicación institucional xa que, nun principio, xa intentaron paralizar a proxección, cousa que non deron conseguido.
Pero a marxe destos intentos de trancalas rodas de O Faiado, a cousa soliviantounos, rematamos este traballo, quedando pendente a súa continuación, e perdendo, ano tras ano, posibles novas testemuñas que nos poderían engrandecer este tipo de traballos baseados, precisamente, na memoria delas. Daquela tíña o Antonio 3 anos no pobo e o ano que ben vai a cumplila maioría de idade en Vilagarcía. Veremos a ver que pasa.
Pero aquí tendes a Verino e o seu irmán, Manolo, levantándose un día calquera (o documental comenza co sair do sol, hasta que se pon) contando quenes son
CAPÍTULO 3 DA WEBSERIE “DESDE DENTRO DO CORAZÓN”
Verino e Manolo Diz, Lita Sanchez, Julian Iglesias, Manolo Eiras, Eugenio Mouriño, Ramon Miguens, Sito Rodriguez, Ramon Abelenda, Antonio Neira, Rafael Casenave, Juan Vidal, Angeles Duran, Jose Manuel Longa, Agustin Iglesias, Nito Cambre.
Son alguns dos nomes, das persoas que co seu testimonio, fotografías e documentos narraron o fenómeno do OURO NEJRO, que ven a ser o fenómeno, o tesouro, nacido nas entrañas do mar na Ría da Arousa, o que se cría nos terreos do Carril e demais pobos mariñeiros da nosa vecindade.
Tivemos a satisfacción, o orgullo e soberbia de gravar para sempre aos Nachos, aos Eiras, Abelendas, a Lita, a Julian, e con elo conseguimos deixalos para sempre con nós.
Hoxe compartimos estas imáxenes, extraidas DESDE DENTRO DO CORAZÓN, o documental gravado e estrenado no 2013, coma un homenaxe ao noso pobo, as súas xentes e a nosa identidade. Da man de Antonio Caeiro, o director do documental, nun primoroso traballo estreado no aniversario da fusión dos concellos do Carril e Vilaxoan nun só: VILAGARCIA DE AROUSA
CAPÍTULO 2 DA WEBSERIE “DESDE DENTRO DO CORAZÓN”
Entre finais dos vinte e os primeiros anos da década dos trinta, Vilagarcia era un referente en modelo de pobo, urbanísticamente con Jenaro de la Fuente e Antonio Palacios traballando en varias obras e proxetos, a Cultura que desprendiamos, as referencias de Urioste Rey e Buhigas, a nosa bahía que se comparaba nos medios da época con San Sebastian, O Balneario da Concha, a terraza do Casablanca, a estancia da Escuadra Inglesa nas suas visitas anuais a nosa Ria, todo esto unido a o veraneo da burguesía do resto do estado español, varios ministros veraneando no Barrio da Prosperidade, a casa dos Condes de Valencia, facian do noso pobo un lugar especial.
Antonio Caeiro levou a pantalla duas horas de traballo documental, DESDE DENTRO DO CORAZON nos conta esto e moito mais. É unha ledicia atopar estas imaxenes comentarios da forma de vida do noso pobo, impresionante a Vilagarcia que perdemos a Vilagarcia que levamos dentro.
Discos adicados
Para Maria Josefa Vazquez Blanco, de parte do Faiado da Memoria no dia do seu cumpreanos, cantan para ela…O DUO DINAMICO.
FELICIDADES
Onte no Faiado da Memoria
Foi un tempo agradable, unha creacion poetica teatral da autora da obra TEMPO DE SILENCIO. Da man de Andrea Fernandez Maneiro e ca musica de Manuel Dopico pasamos un bonito tempo, a min gustoume moitisimo. Andrea comunica o que quere e Manolo ca sua empatia ca musica nos deixan pegados a silla o tempo que faga falta
Aquel barco que viña do extranxeiro
Que o traia a consignataria de Reboredo e que nos anos setenta, os que eramos uns rapaces novos que non habiamos vivido poñemos de exemplo as visitas da Escuadra Inglesa, a chegada de este barco o KUNGSHOLS, atraia a nosa curiosidade. Viña cheo de turistas con unhas pintas moi raras…
HOXE CÚMPRENSE 31 ANOS DAQUILO
Aquel día, o 28 de novembro de 1993, domingo, comenzou dunha forma terrible. Cun temporal de chuvia e vento que chamaba mais a quedarse na casa que sair a rúa, pero no que a gran parte do texido asociativo de Galicia quixo volver vivir e respirar e utilizou como forma de exprexión contra o narcotráfico esta manifestación. Falamos, en primeiro lugar, das Asociacións de Pais e Nais, Federacións e Confederación, CONFAPA Galicia, con Juan José Sánchez Arévalo na presidencia, vital para o desenvolvemento da manifestación.
As Asociacións de Veciños, desde Caranza ao Ribeiro. Movilizadas todas, intentando que o resto do país entendese que a comarca do Salnés non era o que se vía nos medios de comunicación cando se reflexaba o Xuicio da Operación Nécora na Casa de Campo en Madrid.
Nós, a sociedade no seu conxunto, éramos as vítimas daqueles catro iñorantes e golfos que somentes querían facerse ricos a costa das vidas da xente nova que eran os nosos fillos.
Eramos cidadás honrados, xuntos, condenando ós delincuentes.
A FEDERACIÓN DE ANPAS SALNÉS foi a organizadora daquel evento saneador e pedagóxico que convirtiu as rúas de Vilagarcía nunha marea humana, nun nido de xente que rexeitaba ós narcos causantes da morte de tantas vidas inocentes.
A CORAL
A CORAL POLIFÓNICA DE VILAXOÁN, o noso recoñecemento ao seu creador e Director Máximo Patiño, e a todos e cada un dos seus integrantes
NA PROCURA DOS ÓSOS PARA QUE FALEN
Con motivo do CINEUROPA de 2022, o noso documetal REMOVENDO A TERRA, que narra os momentosa da apertura da fosa común do cemiterio municipal tratando de buscar e identificar os corpos de 19 personas asasinadas e enterradas nela, foi exhibido en paralelo no canal de televisión en streaming FILMIN.
Nos non o poidemos apreciar ao non contar con ese canal na tv da casa pero chegounos esa captura da pantalla e encántanos vela valoración que lle dan a película (falada en galego, con subtítulos en castelán) algúns dos que a viros: 9,3 de 10. É unha cousa que sempre nos encantou, que o público valore moito mais as películas que os xurados, por iso conseguimos mais “premios do público” que doutro tipo.
Por certo, este sábado, día 2 de novembro, ás 19:30 horas, exhibimos o noso último traballo que fala dos homes que habitaron a illa de San Simón, moi ao seu pesar, durante os anos da guerra civil e posteriores e que nos foron contando a súa vida a través de cartas. Moitos deles de Vilagarcía. O seu título, MENTRAS TEÑA MEMORIA, LEMBAREI.
REMOVENDO A TERRA pódese ver, en aberto, no canal de Youtube de O Faiado da Memoria (https://youtu.be/AI9aBMb_7h8?si=ouTSzWm9P4N3n5ZD)
ECOS DE CORTEGADA, o documental.
ECOS DE CORTEGADA
A illa de Cortegada é ese lugar, ao igual que a illa de San Simón, que sempre acabamos volvendo, una polas cuestións personais e a outra por Memoria que debemos lembrar. Aínda que nunca debemos esquencer a ningunha das dúas.
No 2016, e baixo os auspicios de Parques das illas atlánticas de Galicia, realizamos unha exposición sobre Cortegada no Salón de Plenos do Concello Vilagarcía de Arousa. Alí, xunto a unha ducia de paneis coas historias dos últimos poboadores da illa (que non colonos) puxemos unha serie de pantallas di vídeo cada un co seu documental. Este, que era o mais longo, era un deles e vai contando e visitando a illa da man de familiares daquela xente que vivira durante xeracións naquel espacio e que por unha “idea xenerosa” dos de sempre, acabáronlla expropiándolla para “regalarlla” ao rei Alfonso XIII.
O herdeiro deste rei, Juan, acabaríalla vendendo (que non devolvendoa) a unha empresa inmobiliaria para que a destrozase pero que non chegaría a poder facelo gracias á ponte que nunca se puido facer.
Agora vos podedes disfrutala na casa, tranquilamente.
HOMENAXE A PILAR BUHIGAS GARCÍA-REBOREDO
O noso agradecemento para sempre a Pilar Buhigas García Reboredo, tamén o noso cariño. Pilar foi, para nos, todo un apoio. Donante das marabillas fotográficas e audiovisuais, un legado único que en canto creamos o Faiado da Memoria depositou nas nosas mans. No vídeo vemos a Pilar muller, con Mon o seu amor de sempre, cos seus nenos. Pilar foi unha Nai feliz, grande, moi grande. Vémola cos outros seus amores: Os cans e os gatos! Sempre quedará nos nosos corazóns a súa positividade, a súa beleza, era tremendamente bonita, e a súa bondade. Gracias pola túa cercanía, pola túa entrega, por querernos. Nos levarémoste sempre no corazón e na memoria. Que o vento empuxe as súas velas sobre ese mar que amaba.
Cheiros e sons do Carril
Cada 25 de Xullo, irrumpe con moitisima forza a infancia e os protagonistas.