A páxina de O Faiado da Memoria é un espacio creado pola asociación vilagarciana do mesmo nome e que ten o propósito de buscar e mostrar toda información gráfica, documental, audiovisual e sonora sobre a Vila e sobre os pobos e xentes veciñas ou que teñan relación coa xente da asociación.
O Faiado da Memoria de Vilagarcía pretende ser un lugar para o descubremento do noso ser. Un espacio para encontrarnos co noso pasado e ver de coñecernos. Un lugar onde deixar depositado a pegada do noso paso por este mundo, por este lugar. As nosas fotos, documentos, voces, cancións, testemuñas, sons, películas, … teñen no Faiado da Memoria de Vilagarcía un lugar onde residir. Para poder ser compartidas e que teñan vida máis alá da nosa propia.
Estamos a traballar en migrar o noso anterior fotoblog http://www.blogoteca.com/ofaiadodamemoria/ a esta nova plataforma.
O contenido do noso anterior fotoblog está accesible no seguinte enlace: https://ofaiadodamemoria.com/old
A asociación cultural foi creada no ano 2008 por Margarita Teijeiro, vilagarciana de toda a vida e por Antonio Caeiro, adosado a esta vila desde ese mesmo ano.
A falta dun local social físico donde se poidera identificar fotografías por parte dos seus donantes ou testemuñas maiores, levounos a crear un espazo virtual onde ir subindo fotografías e a xente fose falando delas a través dos comentarios. Ese feito “revolucionario” nun tempo aínda alonxado do boom das redes sociais actuáis e da utilización popular de internet e dos smartphones e iphones, fixo que o blog fose sendo un punto de referencia para o coñecemento do pobo, a identidade e, si cabe, un pouco de nostalxia polo xa perdido, aínda que non serviu de inflexión para non perdelo pouco que lles quedaba.
O feito de poder chegar a xente do pobo que levaba fora do seu lugar de nacemento bastantes anos e que vivían afastadas do que deixaran atrás tamén motivou o seu rápido crecemento, popularizado mais tarde coa chegada de Facebook, onde o blog ocupa o seu espazo utilizada como plataforma de promoción das súas pesquisas e eventos.
Pasaron xa case 16 anos (escribimos isto o día 1 de xaneiro de 2024) e o bagaxe da asociación xa non son só aquelas imaxes e películas que fumos recollendo casa por casa. Varios documentais, horas e horas de películas domésticas recuperadas dos vellos caixóns esquencidos, e que foron dixitalizadas por nos e que incluso nos permitiu realizar un documental premiado, horas, tamén, de gravacións en vídeo con relatos de vida vivida e que sirven para transmitir vivencias que hoxe non son visibles a unha audiencia mais xoven, exposicións monográficas sobre distintos aspectos e momentos da vida vilagarciana galonan todo un traballo que se vai facendo ano tras ano, a maior parte sen a axuda debida das institucións, especialmente, das mais cercanas a xente.
Pero o proxecto, que xa deixou de selo para converterse fai tempo nunha realidade, sigue aí, contra vento e marea e a toda vela, surcando, as veces, por mares procelosos pero sempre apoiado por unha gran cantidade de xente que nos levan en palmitas hasta as distintas metas que nos vamos marcando.