A webserie creada polo Faiado da Memoria, baixo a dirección de Antonio Caeiro,ca colaboracion de Margarita Teijeiro, CÓNTALLO A CAMBADOS (que tamén está baixo o título de HISTORIAS ARREDOR DA VIDA) foi nominada aos premios YOUTUBEIR@S 2022.
A serie naceu como unha idea de SIHÁHO para conmemorar o catrocentos aniversario de O MUIÑO DA SECA de Cambados.
Durante catorce capítulos, de distinta duración, desenvólvense outras tantas historias que teñen como nexo común o mar e a xente que vive e traballa, sobrevive e loita, día a día con el.
Polos distintos espacios vamos vivindo e sentindo, coa emoción e sentimento narrado polas propias protagonistas, as historias das mariscadoras, atadoras, mariñeiros, peixeiras,… e do mesmo muíño cambadés xa que el forma parte desta historia ( é un muíño de marea) e nel gravouse todo este traballo que agora pódese ver no canal de YouTube “cóntallo a Cambados”.
A serie, enmarcada dentro dos actos conmemorativos do muíño que se desenvolveron ao longo deste ano que está rematando, conta co apoio do CONCELLO DE CAMBADOS, do GRUPO DE ACCIÓN LOCAL DO SECTOR PESQUEIRO DA RÍA DE AROUSA, da CONSELLERÍA DO MAR da XUNTA DE GALICIA e do FONDO EUROPEO MARÍTIMO E DE PESCA.
A final deste certame terá lugar o día 28 de xaneiro en Carballo, Coruña.
Esta selección remata cun bo ano para a asociación Vilagarcía a onde outros traballos seus estiveron presentes noutros certames galegos e nacionais, alcanzando, co traballo de memoria sobre a vila de Vilagarcía, “RESONANCIAS DO PASADO”, que acadou o premio do público na Mostra Internacional de Cine Etnográfico.
Deixa unha resposta