Esta foto é no altar que se poñía na taberna/ultramarinos de señora Lola e señor Moncho, na Lomba, para a procesión da Virxe de Fátima. A procesión saía da igrexa de Cornazo e tiña un percorrido moi longo, baixaba pola Veiga, Cornazo de Abaixo, pasaba pola Lomba e volvía a Cornazo. A xente poñía altares nas súas casas e a procesión paraba alí onde se poñía o altar e os nenos e as nenas, que normalmente se vestían de pastores, recitaban poemas. Miña avoa Lola poñíao sempre. Na foto, vestida de pastora, está miña nai, Josefa González Piñeiro, ao seu carón, tamén vestido de pastor, José María San Román Domínguez, a rapaza da esquerda, que vai de blanco é Mari Carmen Fajardo Diz e a rapaza alta que está detrás de miña nai é Merchi Saborido. A foto pode datar do ano 69 ou 70.
Deixa unha resposta