Non debemos esquencer



No mantemento das visitas da Armada Británica á ría de Arousa tivo moito que ver o labor de Reginald Cameron- Walker (Trípoli-Libia, 1868- Lalín, 1923) quen durante 24 anos dirixiu o consulado do Reino Unido en Carril. O representante dos intereses ingleses en Vilagarcía casou en 1906 con María Austroberta Bolado Sánchez no convento de Vista Alegre; foi socio fundador do Real Club de Regatas e xestionou en persoa a creación, en Rubiáns, do Cemiterio Inglés. Anos despois da súa morte, a intervención da súa familia foi fundamental para que a muller e os fillos de Elpidio Villaverde, primeiro alcalde republicano da vila, puidesen fuxir da represión feixista.

A súa figura é a que mellor encarna unha época dourada na que Carril e Vilagarcía contaron con representación diplomática de Gran Bretaña, Portugal, Alemaña, Francia, Arxentina, Brasil, Chile, México, Uruguai e a República Dominicana, e un feixe de prósperas relacións comerciais. A derradeira visita da Royal Navy chegou en xaneiro do 36. A Guerra Civil e os primeiros tempos do franquismo arruinárono todo.
Texto e fontes Serxio Gonzalez e o faiado da memoria.

foto donada por piluca villaverde


Deixa unha resposta

O teu enderezo electrónico non se publicará Os campos obrigatorios están marcados con *