Nesta foto estou eu, con 2 aniños na casa onde vivín ata os 21, na Lomba. Nese momento a taberna estaba aberta e viviamos na parte de atrás, de feito a foto é no pasillo da casa e vese perfectamente a parte de dentro do mostrador da taberna. Na foto falo por teléfono problablemente coa miña tía, que vivía xa en Ibiza, máis adiante ese teléfono se convertiría no único medio de comunicación cos meus pais, que marcharon tamén a traballar a Ibiza cando eu tiña 6 anos e, tanto meu irmán, con 4 anos, coma eu, quedamos ao cargo dos nosos avós. O teléfono era “teléfono público” e os emigrados en Alemaña, Suíza ou Francia chamaban á nosa casa para falar coas súas familias. Facían unha primeira chamada para que avisaramos aos familiares, miña avoa ía á casa a avisarlles ou mandaba recado por alguén nun rato, volvían a chamar. A foto pode datar do ano 82.
Comentario de Maria de la O Fernandez.
Aproveitamos pra felicitar a Maria de la O que hoxe celebra o seu cumpreanos. Ela é colaboradora, donante e amiga do Faiado da Memoria. Xefa de Estudios do Colexio Publico de Rubians, sobor de todo MESTRA, o seu traballo e vocacion.
Deixa unha resposta