Fotografia de VIDA GALLEGA. 1936
Do libro: Memoria do Sar
Estanislao Pérez Artime. Coñecido como Tanis de la Riva, nado en Padrón en 1881 e finado en Vilagarcía de Arousa o 12 de marzo de 1945, foi un industrial e político galego, ademais de fotógrafo afeccionado.
Fillo do comerciante José Ramón Pérez de la Riva, procedente de Ortigosa de Cameros (A Rioxa), e da padronesa María Dolores Artime Pérez, irmá de Eloy Artime Pérez. Foi concelleiro en Padrón e representaba no distrito de Padrón a Rafael Gasset Chinchilla e despois ao deputado Antonio Rodríguez Pérez.
En 1929 creou a empresa Lámparas Iria SA, unha fábrica de lámpadas incandescentes, sendo o propio Estanislao xerente e presidente do Consello de Administración. Tamén foi presidente do Consello de Administración do Hotel Compostela.
Foi deputado provincial en 1923 e vicepresidente da Deputación. Foi nomeado presidente da Deputación da Coruña a finais de 1935.
Ao estalar a sublevación do 18 de xullo de 1936 foi represaliado, encarcelado, permanecendo unha temporada no cárcere de Santiago de Compostela. Cando saíu del, deu cartos para reparar o presidio, co fin de mellorar as condicións nas que se atopaban os presos. Logo pasou a unha habitación do Hotel Compostela, baixo vixilancia pagada por el, pero unha denuncia da Falanxe de Padrón fixo que o levaran ao Sanatorio Baltar. Foi expedientado pola Comisión Provincial de Incautacións de Bens en 1937. Wikipedia
Festa ofrecida por Estanislao Pérez Artime no patio central da fábrica de lámpadas #Iria en 1927, amenizada coa música da banda do rexemento de Murcia #Padrón #OBaixoUlla 📷 Faro de Vigo (22/7/1927)
Deixa unha resposta