Categoría: Galería de vídeos


  • Cortegada, a sua historia

    Video creado por Antonio Caeiro, en honor a os habitantes da Illa de Cortegada, habitantes sometidos e expoliados no ano 1907, por uns poderes que os deixaron sin as suas casas, fincas, patrimonios fruto do seu traballo. Expoliados e indefensos.


  • Sabado dia catro de Maio en Asados

    Este sábado, 4 de maio, estaremos en Rianxo, nas escolas vellas da Atalaia, onde pasaremos o documental ESTA NOITE, VELADA sobre o grupo de teatro Airiños de Asados, nunha sesión organizada por eles dentro das súas “veladas de primavera”


  • Festival de Cine no Casino de Vilagarcia

    Recibimos unha lembranza, enviada por Benxamín Rey, de dúas noticias que fan referencia ao festival de cine de Vilagarcía de… fai 27 anos.

    Naquel 1997, o certamen decano de Galicia cumplía 25 anos e debía haber unha exposición de fotos e cartaces sobre a súa andaina e os históricos da imaxe de Vilagarcía, Xesús Méndez, Tino Silva, Alejandro Granja e Rafa Sabugueiro, contaban a historia de como se desenvolveu e creou este festival que comenzou sendo de S8 e que hoxe se denomina CURTAS.

    A segunda reportaxe é parte do noticiario do día despois a entrega de premios e alí, 11 anos antes de recalar de forma definitiva en Vilagarcía (e crear xunto a Margarita Teijeiro este espazo de O Faiado da Memoria) aparece un individuo, acompañado do seu fillo, quenes tiveron a ben ganar un dos premios dese ano, o concernente a ficción.

    O vídeo é un dechado de imaxinación que se compensa admirablemente cun tempo acertado de duración: DOUS MINUTOS!!. Nen moito nin pouco, o xusto. Xa o puña no cartel da súa promoción “non parpadexe, pódese perder boa parte da película“.

    Para que a cousa durase un pouquiño mais, este vídeo ía acompañado doutro que se subtitulaba “a curta que acompaña a longa”. A súa duración era acorde coa duración “desa longa”: SETE SEGUNDOS!!. Pois entre os dous alzáronse co premio.

    E de que trataba? pois na entrevista que acompaña a reportaxe xa o anuncia ben claro e fai un “spoiler” en vez dun resume: “é un traballo profundo sobre a reencarnación”. Aí es ná! Con toda a modestia do mundo, a corazón aberto, sen medias tintas.

    Pero, o bonito-bonito, é ver a entrega de premios e ver a quen sauda Gago naquela noite, preludio do fin do Fantasio, donde se estaban entregando os premios, quen tres anos despois caia baixo o empuxe inmobiliario.


  • PONTECESURES

    Adicado a xente que nos sigue desde Pontecesures.



  • O Mundo da Seca capitulo 4

    Memoria do mundo do mar en Cambados




  • O Muiño da Seca

    No mes de Xullo do 2023, a peticion do Concello de Cambados, puxemos en valor a nivel audiovisual a historia oral do Muiño da Seca de Cambados. Celebrabamos de esta maneira os catrocentos anos de Historia do Muiño.

    Iremos subindo os capitulos, este e o primeiro


  • ALIVIANDO A DOR

    As veces o Sergas ten un detalle e en vez de curarnos nos di: “podíades facer…” E si, este é un dunha serie de traballos para a unidade da dor que elaboramos xunto a productora NOVA COMUNICACIÓN de José Luis García e que nos fixo circular por varios hospitais e farmacias da provincia de Coruña e Pontevedra. Podedes botarlle un ollo que é bastante instructivo. Pero non vos automediquedes.